Mbrëmë në rrugën “Shaban Shala” në lagjen “Kodra e Trimave” në Prishtinë, pas një zënke ndërmjet disa meshkujve është hedhur edhe një granatë dore. Zënka ka ndodhur ndërmjet shtatë meshkujve,njëri nga ta ka marrë lëndime trupore ndërsa tre nga ta janë dërguar në mbajtje.

Policia ka bastisur edhe shtëpitë e dy të dyshuarve me ç’ rast është gjetur dhe konfiskuar  një revole, një karikator me katër fishekë dhe një fishekë i armës së gjatë.

“Rr. Shaban Shala, Prishtinë 05.05.2018-18:54. Janë arrestuar shtatë të dyshuar meshkuj K-Shqiptarë pasi që dy nga ta, pas një mosmarrëveshje, kanë  hedhur një granate dore  në drejtim  të pesë të dyshuarve meshkuj K-Shqiptarë me ç’ rast  njëri nga të dyshuarit ka pësuar lëndime trupore nga pjesët e granatës dhe i njëjti ka pranuar tretman mjekësor”, thotë Policia për Gazetën Express.

Ne vendin  e ngjarjes kanë dalë njësitet policore dhe pas konsultimit me prokurorin është bërë bastisja e dy shtëpive të dyshuarve  me ç’ rast është gjetur dhe konfiskuar  një revole, një karikator me katër fishekë dhe një fishekë i armës së gjatë.

Me urdhër të prokurorit tre nga të dyshuarit dërgohen në mbajtje ndërsa të dyshuarit tjerë lirohen./Express/